• L'unica lista davvero civica fatta da cittadini per Sarzana
Mai cuntenti, Archivio

Giobata e Gorpa Part Two (scola XXI luglio: muro o non muro trei passi avanti!)

(all rights reserved – tuti i diriti i en riservà!)

(qui l’antefatto…)

“Gorpa, ma t’è ‘nteso?”

“Cusei, Giobata?”

“Zira voce ch’i ghe von dare a tuti i costi d’i sodi p’r la scòla!”

“Torna! Ma mira che te me l’aveve ‘nzamò ito…”

“Ito cusei, c’a l’ho savù adè?!?”

“Ma te sen ciocà? Tuta quela facenda de quei là chi compro coi sodi ch’g’à ‘mprestà quei autri ch’i ‘n s’arcordo manco d’avergi ati, e la Gina che l’a gh’à’n mento do o tre cusete…”

“Ma duve te sen armasto, gorpòn! ‘N ter fratempo m’è vegnu ‘n mento de fare ‘r democratico, azidenti a me…”

“E cus’t’è cumbina?”

“Ho ciamà tuuuto ‘r vilagio, e a g’ho chiesto: Ma voi, ‘sta scòla, a la vurè vendere? ‘Nduvina ‘n po’ cus’i an risposto?”

“A n’er savrei…”

“I an risposto…”

“E dime…”

“I an ito…”

“A son curioso…”

“E sta zito sandacòn! I an risposto: Quale scòla?”

“Ma dai…”

“Sisì… E me a gh’o ito: Cumèi quale scòla… quela ch’a m’avè autorizà a vendere!”

“E certo!”

“E certo ‘na mozza… i’n s’arcordeo niente, e i m’an ito s’a son mato!”

“Ma te scherza? Ma cume se fa! Ma i en proprio d’i screanzà! A ‘n gh’o parole! D’linquenti! Ma dime… quandei ch’i t’avressu autorizà?”

“Te te ghe meta anca te? Cumei, quandei… L’ano scorso, quando ho zirà cà p’r cà…”

“E sì, quelo a me l’arcordo… che mar de pé!”

“Te veda che te gh’ere anca te! Alora te t’arcurderè p’r forza…”

“E certo!”

“… c’a g’ho ‘mprumiso c’a ghe feo pulire ‘r grinelo…”

“E cume no!”

“… c’a gh feo metere a posto la piaza Bòta…”

“A vogia!”

“… c’avrei fato ‘n modo e manera che i ladri e i asassin i scapesso…”

“Eee…”

“… ch’andare ar mercà der giovedì sarei stà cum’e far na pasigiata de salute…”

“Eeeee…”

“… che s’avesimo costruì quarcò d’importante, tipo, a ne so, na piaza, avresimo ciamà d’i zòveni a dirghe cume farla…”

“Eeeeeeee…”

“… che se quarchidun i vureve saver quarcò i ner duveve manco chiedere: i sarei stato tuto atacà a quer sito a l’entrata…”

“Eeeeeeeeeee…”

“… c’a saresimo tuti deventà d’i zervelon da tanta cultura c’avresimo fato…”

“Eeeeeeeeeeeeee…”

“… E C’AVREI VENDU’ L’SCOLA!!!”

“Eeee… no, me spiasa, lì a durmìo ‘nzamò…”

“e ME SA CHE ‘NT’N’ERE L’UNICO! E ora, duv’a m’arziro m’arziro, m’ariva d’le caretà d’ m..da da tute le parte!”

“E adè cume te fè?”

“P’r’intanto, a gh’o ito che l’è corpa d’ Ganassa…”

“Quela l’è sempre ‘na bela tatica…”

“Po’ ier sera l’è ‘rivà la nutizia che, sa se ghe meten de buzo bòn, a puden aver dirito a ricever sti sodi per meterla a posto…”

” E chi te l’ha ata, p’r curiosità, sta nutizia?”

“Quer rompicujon de Sor Zicala. A ne so quantei ch’i me zompa ‘ntorno a ripeterme <<Gh’è sti sodi, gh’è sti sodi, e mira che gh’è sti sodi…”>> con quela so solita ‘nsistenza…” (qui)

“A ghe darei ‘n po’ d’arsenico anca me! O Giobata, e fa finta de niente come quela vota ch’i t’a ito de non andare avanti cor calesse senò te sbateve contr’ar muro, e te ‘n te gh’è ato sudisfazion!”

“O zervelòn, po’ es’re c’adè ghe torna com’do! A passen tuto ala Sora Marfisa, a ghe disen de riempire tuti ‘i ‘ncartamenti e se la va malo, a pudren sempre dire c’a gi aven pruvà tute…”

“Ma dime ‘na cosa Giobata: po’, ‘r calesse te sen riussì a agiustarlo?”

 

Previous ArticleNext Article

Lascia un commento

Il tuo indirizzo email non sarà pubblicato. I campi obbligatori sono contrassegnati *

Utilizzando il sito, accetti l'utilizzo dei cookie da parte nostra. maggiori informazioni

Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi